Crypto新手 麻煩做齊10件事保護加密資產

最近加密貨幣巿場又再一次變得熾熱,好多新朋友進入加密貨幣巿場;無論係單純買賣加密貨幣賺取升值回報,又或者進入DeFi應用利用加密貨幣去賺取收入,到最尾都希望有錢賺離場,但初學者總係會因為一啲操作嘅問題令自己唔小心輸左錢。

加密貨幣同傳統嘅投資產品最唔同嘅地方就係 – 去中心化,即係唔會再有一間銀行或者證券行幫我地保管或者處理資產,所以大家必須學懂點樣保護自己嘅加密資產!以下10點,希望大家一定一定一定要做到

  1. 備份錢包
    第一點係極度重要,建立自己的錢包時謹記抄低果12/24個英文生字;如果你個錢包壞左或者你部電壞唔見左,呢啲英文字就係你嘅救命符,比你去其他錢包導入返你原本嘅錢包。如果你用一個新嘅錢包,好嘅習慣係備份完之後,用呢堆英文字去另一個錢包試下係咪真係導入到個錢包,先至開始使用果個錢包。
  1. 妥當收藏私匙
    私匙就係進入你個錢包嘅鎖匙, 佢可以有不同形態 – 64位數字+英文字、12/24個英文生字、Keystore File等等;無論你保存邊一種形態嘅私匙,一定要將佢放喺一個極安全嘅地方,最好當然係Offline嘅地方,唔好搵個Note寫住Private Key然後放上Dropbox!
  1. 別提供私匙
    如果有任何網頁向你索取私匙,千祈唔好提供!記住,無任何一個應用程式係需要你提供私匙的,如果你要收加密貨幣,只需提供公匙 (Public Key) 或者叫做錢包地址 (Wallet address)就可以了。
  1. 使用硬件錢包
    如果你有一定數量嘅加密貨幣,請你花幾百蚊買一隻硬件錢包。而你買硬件錢包時最好去官網訂購,否則就去一啲信譽良好嘅機構購買。
  1. 安裝2FA
    好多時交易所都可以設定雙重驗證(2FA),即使有人知道你登入密碼,佢無你手機都登入唔到你帳戶去盜用你嘅資產;雖然裝左2FA會麻煩左些少,但絕對可以更安全咁保護你嘅資產!
  1. Bookmark網頁
    巿面上實在太多Phishing網頁,佢地將原本嘅網頁原汁原味咁照複製一個出黎,然後網址可能有些少唔同(例如www.myetherwallet.com變左www.myetherwallets.com);稍一不慎你就會唔小心信左呢啲網頁,繼而連接埋你個錢包比人偷哂啲幣!所以常用嘅網頁必須Bookmark, 直接用Bookmark開網頁就可以避開Phishing Sites!
  1. 停一停、睇多睇、諗幾諗
    喺去中心化應用嘅世界,操作實在太快太簡單,而多年使用網絡嘅經驗令我地一見到Confirm掣唔思考就會即㩒,但唔小心㩒左可能就已經send左一堆錢比人;所以各位喺錢包簽署任何交易必須先停一停、睇多睇、諗幾諗先好㩒Confirm!
  1. Give Away並唔存在
    呢個世界真係無免費午餐,有時你會見到有地方話有加密貨幣Give Away,其實十個有十個都係呃緊你,就算係名人喺Twitter講都唔好信,佢地個帳戶都係比人Hack左!總之,唔好貪心!
  1. 避免點擊廣告
    已經喺討論區見過唔少人因為點入廣告中招,尤其係Google搜尋後彈出黎嘅結果,會有廣告置頂,我地稍一不慎就會點入左啲廣告(所以話一定要Bookmark網頁,唔好自己輸入或者喺Google Search);大家點入任何網頁之前一定要睇清楚!
  1. 了解了解再了解
    而家DeFi百花齊放,經常有新嘅平台推出比大家賺錢,但係其實好多都係處於實驗階段,而且每個平台都有佢嘅風險;你必須要對自己嘅財產負責,先了解清楚所有風險再進行投資,記得回報越高風險越高!

———————————

www.myethshop.com

香港加密貨幣交易平台

———————-

facebook: myethshop

instagram: myethshop

WeChat: myethshop

telegram: t.me/myethshop

YouTube: https://www.youtube.com/channel/UCdsTB8ETYjwi2vq7PlVMUzg

———————-

免責聲明

本網頁內容並非投資意見,亦不構成任何投資產品之要約、要約招攬或建議。所載內容只作為一般用途,它並沒有考慮您的個人需要、投資目標及特定財政狀況。投資附帶風險,在作出任何投資決策前,您應考慮自己的財務狀況、投資目標及經驗、風險承受能力及理解相關產品的性質與風險的能力;如有需要,您亦可尋求獨立專業顧問意見,然而所有投資決定都取決於您個人的判斷。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s