區塊鏈落地應用 – 證明結婚証書真確性及 Reddit 社群正評

經常都會有人問我地,其實區塊鏈技術除左用黎炒幣之外,仲有咩用架?呢個星期係美國,就出現左兩個重磅落地應用,分別係美國 Utah 州利用以太坊去證明電子格式結婚証書真偽,以及 Reddit 開始將會員正評放上以太坊(Ethereum)區塊鏈上 。

1 美國猶他州(Utah)利用以太坊去證明電子格式結婚証書真偽

TitanSeal1
猶他州電子結婚證書,由以太坊確保其真偽。大家可以見到最底部,有教學教大家去 etherscan 搵返證書 hash 值

 

而家係美國猶他州結婚既夫妻,除左會收到傳統紙張既結婚證書之外,亦會收到猶他州以 email 方式寄出既pdf 版結婚證書。由於電子檔案容易被偽造或者修改,咁點樣可以證明到電子版結婚證書既真偽呢?猶他州政府就將結婚證書既 pdf 檔化成一個 hash 值 (即係一串英文同數字),繼而將呢個 hash 值儲存係以太坊區塊鏈入面。

咁樣做有兩個好處。一,由於資料一旦被寫進區塊鏈後,就不容修改,所以一旦將初始數值上傳到以太坊,我地就可以視之為恒久真確數值。一旦有人修改過張證書,咁呢張假證書所生產出黎既 hash 就會同儲存係以太坊上既 hash 值對不上,咁我地就好容易察覺到張證書有無被人修改過。二,由於以太坊係分散式帳簿,大家要查證 hash 值唔一定要去搵返政府,只要上返 etherscan ,什至自己運行一個以太坊既節點,就可以隨時攞到相關資料。咁大家就唔一定要靠政府先知道個 hash 值,大大減低政府既負擔,亦令大眾享受到去中心化既好處。同樣既道理亦可以應用係大家查公司冊,唔一定要去公司註冊處。想知道身份證既真偽?唔再需要去搵入境處,而係每一個人上到 etherscan 都做到。

2 Reddit 社群正評放上以太坊

Screenshot 2020-05-14 at 7.22.05 PM
Reddit 用戶正評放上以太坊,並且為每個 Reddit 用戶開設以太坊錢包

唔知大家認唔認識 Reddit呢?用香港人熟悉既事物黎做比喻,Reddit 就係英語世界既連登,係英語用家聚集既網上討論區。最近,Reddit 開始將每位用家既正評數量放到區塊鏈上。咁呢啲正評有咩用呢?部分分區會每個月拍賣分區既封面圖片 (cover picture) 俾願意付出最多正評既用家,或者最多正評既用家網上顯示既名係會與別不同等等福利,其實就有啲似 Asia Miles 或者遊戲入面既點數,你有越多點數,就可以係個社群入面做到越多既野。

 

咁放正評上去以太坊有咩好處呢?最大既好處就係令到正評變得容易兌換。以往你可能係儲左好多正評,但係係好難兌換成其他有用既物品。同樣地,可能你係一間公司好想用錢去落廣告係某分區既封面圖片,但係你只係有錢,一來你唔知道邊度會有人願意賣正評俾你,二來正評係以往系統入面,係不能隨意轉移,即係你買左之後,都唔可以由賣家名下轉到自己帳戶入面。

但係當正評放左上以太坊後,轉移正評就好似 send eth 俾其他人咁簡單,只要㩒一個掣就可以。另外,由於以太坊上面有不同既去中心化交易所 (Dex),不同人就可以利用市場機制去購買或者出售正評,從而令正評既價值得到正確既市場估值,令價值得以釋放出黎。

3 總結

我地預計隨住將會有越黎越多類似上述應用會搬到區塊鏈上面,從而讓大眾享受到區塊鏈既種種 – 去中心化,自由兌換,不能修改 等等優點。大家亦會留意到,無獨有偶,上述應用均發展係以太坊,而唔係其他平台鏈上面,而我地相信以太坊一枝獨秀既情況將會係未來十年繼續。

隨住越黎越多大公司,政府機構採用以太坊作記錄資料平台,我地一齊幻想下會有一日出現下述情況 – 今日想食西餅,而我又有啲飛行里數未用晒。我可以將儲存係個人錢包既飛行里數,經過 uniswap 呢一類既去中心化交易所,兌換成某有名西餅店既西餅卷,全程都係係以太坊上面進行,交易費不足 1 蚊港幣,速度係 10 秒以內。最重要係,普羅大眾跟本唔知道底層係用緊以太坊區塊鏈技術﹗

———————————

www.myethshop.com

港幣買賣加密貨幣平台

———————-

facebook: myethshop

instagram: myethshop

WeChat: myethshop

telegram: t.me/myethshop

YouTube: https://www.youtube.com/channel/UCdsTB8ETYjwi2vq7PlVMUzg

 

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s