提供流動性去賺取交易佣金 – 1. Uniswap 簡介

係之前 Defi 既介紹入面,我地經常都淨係睇到借貸平台,好似 Compound 或者 Maker 咁,但係其實講起金融,除左借貸平台外,交易所會係另一個不可或缺既一員。通過區塊鏈技術去除掉中間人既交易所,我地一般統稱為 Decentralized Exchange,或者簡稱 Dex。今日要介紹既 Uniswap 就係 2018 年係以太坊上營運既 Dex 了。

Uniswap 有別於一般我地認識既交易所。一般交易所會有一本交易簿 (Order Book),入面列明不同參與者可以指定買賣方向數量出價。而交易所營運者就負責配對買賣雙方,一旦最高出價賺買者低於或相等於最低出價出售者既價格,就會促成交易,亦會刷新新既成交價。呢個係一直我地認知既市場運作方式,股票市場如是,樓市如是。

Screenshot 2020-01-30 at 6.17.25 PM.png
交易所管有 Order Book 列明買賣雙方出價和數量

而 Uniswap 就不設有 Order Book,用家只可以指定買賣方向數量,而不能指明價格。一旦用家輸入數量後,系統就會自動填算價格,讓用戶決定是否成交。

Screenshot 2020-01-30 at 6.44.31 PM.png
Uniswap 用戶不可以指定價格,只可以輸入數量,讓系統自動決定交易成本

咁究竟 Uniswap 係無 Order Book 既情況之下,係點樣決定市場既成交價係幾多呢?原來佢用一套自動定價機制,叫做 Constant Product Market Maker Model (CPMM)。為左令大家更容易明白,我地就以 ETH/DAI 呢對交易對做個例子去說明。

Uniswap 會將市面上流動既 ETH 同 DAI 聚集起黎,形成 ETH 池 同 DAI 池,舉例說,係 Uniswap ETH 池有 1,000 ETH ,而 DAI 池就有 100,000 DAI。而 CPMM 模型就會將呢兩個數相乘,即係1,000 * 100,000 = 100,000,000,然後叫呢個做目標常數。故名思義,目標常數就係指無論經過幾多次交易,ETH 同 DAI 既數目點改變, Uniswap 都會令到呢個數維持係同一個水平。

1000 * 100,000 = 100,000,000 (k, 目標常數)

繼續用上面既數字作例子,例如而家有人想買 1 個 ETH,換句話講係交易後 ETH 池將會剩返 999 ETH。咁佢應該要加入幾多 DAI 先可以令目標常數得以維持呢?

999 * ??? = 100,000,000

應用我地小四學過既解方程,你就會得出 ??? 應該係 100,000,000 / 999 = 100,100.1001。換句話講,亦即係 DAI 池要增加 100.1001 了。就係咁樣,Uniswap 就可以唔需要一個 Order Book 去決定購買 1 ETH 既市價。

1 ETH = 100.1001 DAI

聰明既你睇到呢度,好快就會意識到,如果你買 1 ETH 同買 100  ETH 既價錢將會大大不同,而且成交數量佔流動池既比例越大,成交價格亦會幾何級數上升。使用上述ETH/DAI 流動池假設,我地可以得出下述不同數目既成交價。

Screenshot 2020-01-30 at 7.51.03 PM.png
CPMM 為了令目標常數固定,當購買數量越多時,均價就會幾何級數上升

由此可見, Uniswap 並不適宜大戶入貨或出貨使用,因為 CPMM 模型會令大額成交既價格遠遠偏離市價。相反,Uniswap 就十分適合散戶使用,因為模式簡單,不用考慮價格,而由系統自動決定。而只要成交數量佔流動池非常少,成交價亦會非常接近市價。

亦由於 Uniswap 既定價機制,就趨生左一個賺錢機會俾大家 – 為 Uniswap 提供流動池然後賺取交易佣金,而當中機制,我地會詳細係下一篇為大家解釋。

———————————

www.myethshop.com

港幣買賣加密貨幣平台

———————-

facebook: myethshop

instagram: myethshop

WeChat: myethshop

telegram: t.me/myethshop

 

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s