對加密貨幣未來10年作出 5 個預測

2020 年來了,MyEthShop 首先祝大家係新一年事事如意,賺個盆滿砵滿。2020 年到來,亦意味住新一個十年既開始,我地嘗試大膽地為加密貨幣發展作出一些預測,且看十年後,我們再次回顧這張清單,會有多少預言會成真,有幾多會落空。

總括而言,我們相信區塊鏈及加密貨幣將在未來 10 年有長足的進展,隨著現有各區塊鏈在交易速度,吞吐效能,私隱性上不斷的進步,會有更多資產與及紀錄放到區塊鏈上,從而使更多人會使用加密貨幣。另一方面,政府與及大機構亦會密切留意到加密貨幣的好處與弊端,不同機構會在接納與規管兩端不斷左右鐘擺。以下係我們對區塊鏈技術及加密貨幣市場發展作出的 5 個預測 –

1.比特幣 (BTC) 及以太幣 (ETH) 將維持不可撼動地位

我們預計比特幣作為儲值貨幣,以太坊作為代幣發行及開發者聚集平台將會係未來 10 年維持並不斷加強。正如我們一直強調,貨幣價值很大程度取決於社會大眾對該貨幣的認識和信心。比特幣作為全球首枚發行在區塊鏈的貨幣,有著如加密貨幣/ 區塊鏈的代名詞,提此不可能忘彼。呢一個優勢係非常明顯而且非常難被挑戰,可以預見係未來十年,比特幣將會維持加密貨幣中作為儲值工具的角色,當大眾提起會接受支付加密貨幣的話,比特幣,而不是其他貨幣,將首先在腦海中浮現。

另一方面,同樣的霸權將會出現在以太坊身上。未來十年將不會出現第二個開發者平台能夠挑戰以太坊地位,所以有意使用區塊鏈技術作代幣發行的開發者,都會首選以太坊作為開發平台。開發者與用戶一旦都聚集係一個平台,呢個網路效應就會好難有後來者能夠打破,就好似視窗 (Windows) 系統係桌面電腦上既壟斷性地位一樣。而現有既其他平台,好似 EOS, NEO, Stellar 等等就會因為吸引不到開發者而逐漸式微或者轉向某一專業範疇努力。

2.穩定幣會成為加密貨幣中主要支付媒介

如果大家期望係未來十年,大家會用比特幣或者以太幣去麥記賺買一份早餐或者一件風褸,我恐怕呢個願望唔會成真。唔係因為比特幣價值會歸零,恰恰相反,正如我第一點提到,比特幣將會繼續加入傳統儲值商品,如金,藝術品等,成為現今社會主流儲值物品。但係當去到日常支付場景,礙於價格浮動這特質,比特幣又或者以太幣則難以作為結算貨幣;反而價格穩定的穩定幣 (如DAI,USDT) 會係未來十年成為主流,當大家諗起要俾錢購買商品或者服務既時候,大家會第一時間諗起用 DAI 而唔係 BTC/ ETH。

再大膽一點的推演,將會有公司以穩定幣出糧。由於互聯網的發展,實際的國家邊界已經變得模糊,企業在不同國家聘請合適的員工已經成為趨勢;而其中會衍生出糧滙款的問題,跨國滙款會產生大量的開支,而利用穩定幣出糧便可以大大減低滙款成本,而且滙款速度更快!

3.遊戲商品及網上服務會成為首批被代幣化既資產,而不是傳統資產

好多人會期望傳統商品,例如房產,股票,車等等,會被代幣化,資產擁有權會放上區塊鏈作記錄及交易,但係我地相信呢個願景未必會係未來十年出現,相反,我地相信第一波資產代幣化會係由電子遊戲產品及網上服務領頭,再蔓延到其他商品資產。

情形就好似十多年前 Youtube 既出現,當時 Youtube 既畫質極差以及攝影器材並不普及,所以 TVB 或者電影發行商並不會認真對待 Youtube 平台。但係 Youtube 既出現就能令不同既團體分享自己領域既影片,所以大家一開始接觸 Youtube 可能係因為自己既小興趣,好似搞笑短片,打機直播,煮食教學等等,然後再由小興趣慢慢伸延開去。隨住手機攝像頭質素逐年上升以及流動數據越黎越平, Youtube 最終吞噬傳統影像媒體,成為大眾影像娛樂既首選。

同樣既情況會發生係區塊鏈上。現有既資產及金融系統並不會立即採用區塊鏈技術,而新出現既遊戲(好似 God Unchained,CryptoKitties 等) 將會更有誘因去採用區塊鏈技術令遊戲中既物品更有價值,更容易作交易及抵押。同樣地,網上服務好似賺買廣告 (BAT),打賞 (LIKE),數據源(LINK) 亦會陸續以區塊鏈技術出現係大眾面前。我地預期隨住主流手機如 Iphone 及 Android 預設為用戶安裝加密貨幣錢包,以及我地既生活越來越黎不開數碼商品及服務,加密貨幣亦會以小眾但實用既角度開始出現,然後以星星之火之勢,將越黎越多大眾日常生活會使用到既物品放到區塊鏈上。

4.更多國家會嘗試發行自己加密貨幣,比特幣會納入國家外匯儲備既貨幣籃

係 2018 及 19 年,委內瑞拉及中國均分別公佈發行加密貨幣既計劃,我地可以預期係未來會有更多國家希望發行自己既加密貨幣去規避美元霸權。但係由於國家發行既加密貨幣缺乏去中心化既特性,除左受當地執法部門監管既當地人民會使用之外,由國家發行既加密貨幣係國際社會上係同本身發行紙本貨幣一致,並不會有任何區別。

相反,比特幣因為知名度提升及大眾對比特幣既信心及接受程度提高,而逐漸成為國與國之間認可既儲值工具。所以我地預期係未來十年,會陸續有國家,特別係缺乏信用,曾經違約既國家,宣佈將比特幣納入外匯儲備中,作為發行該國貨幣既基礎,以此挽回市場及人民信心。

5.區塊鏈的私隱度及效能會大幅度提升,更多人會考慮以加密貨幣系統作銀行戶口用途

現時加密貨幣最為人詬病既就係所以資料均是公開,對私隱度保護嚴重不足。我地預期係未來十年,區塊鏈技術會持續升級,屆時交易及帳戶會預設為隱名傳輸,而每秒交易量則可達致現時 Visa/ Master 級別,就好比互聯網由 56k 升級到光纖寬頻。

除左效能及私隱度提升,以太坊會轉向 PoS 共識以及去中心化金融既不斷進步,大眾將會非常輕鬆地係自己既錢包賺取利息。係速度及方便性均不輸現有銀行服務既情況之下,我地預期將會有更多人當加密貨幣作自己銀行戶口用。

後記

比特幣喺2009年誕生,至今差不多十年歷史,過去十年巿場大部份時間都集中在炒賣賺錢。一枚比特幣價格由當初不足美元100,升到最高接近美元2萬元;大量熱錢流入加密貨幣巿場,亦令不同人士進入這巿場,結果製造出超過2000隻加密貨幣,世界各地有大量的加密貨幣交易所。

未來十年著眼點將會是背後的區塊鏈技術如何進步,如何滲透入我們的生活。而區塊鏈技術除左令好多運作更快、資訊更透明、成本更低,佢去中心化嘅特質亦切合現代主流社會擁抱嘅價值觀,所以區塊鏈嘅發展同普及絕對係不可抗逆嘅大潮流。當然,也太多因素會窒礙區塊鏈技術發展,就讓我們留此文章為記,十年後再回顧時希望發展比我們想像中的更多更快!

(image: coindesk, modified)

———————-

www.myethshop.com

直接用港幣買賣加密貨幣嘅平台

———————-

facebook: myethshop

instagram: myethshop

WeChat: myethshop

telegram: t.me/myethshop

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s