#MY觀點 – 香港人資金要「移民」除左開離岸戶口仲可以點做?

最近好多朋友都諗緊點樣開個離岸戶口或者係海外戶口,要將放喺香港嘅錢「移民」到海外;銀行表示最近開設離岸戶口都需要預約等幾個星期先做到。

相信大家有呢個做法,主要係對港元以及香港政府的不信任,喺香港而家呢個環境底下係十分容易理解的。

不過喺銀行開設離岸戶口嘅門檻都幾高,普遍開戶資金要求都要100萬港元;證券行門檻就低啲,但係都要留意唔係間間證券行都係非香港公司,有機會資金離岸了但係仍然受香港政府監管。

如果你只係想將手上嘅港元變成美金,有個安全穩定嘅方式保管你嘅資產,除左開離岸戶口其實仲可以諗下穩定幣

穩定幣係同美元掛勾嘅加密貨幣,1穩定幣大概等於1美元,轉左做穩定幣其實變相就係將你嘅資產轉左做美金。而且轉換成穩定幣仲有幾大好處:

  1. 只要你換左做穩定幣,就即時將你嘅資金抽離左香港或者任何地方嘅銀行系統,避免任何政府嘅監管;
  2. 而且無所謂門檻,你想換幾多就換幾多;
  3. 穩定幣而家都有得存款賺利息,而且實際年利率一般高過港元或者美元定期存款;
  4. 每個國家都有加密貨幣交易所,只要你有當地銀行戶口,到時你喺邊度生活都好,都可以輕鬆將穩定幣轉換返當地貨幣使用

穩定幣選擇

與美元掛勾的穩定幣都有好多選擇,其中比較多人認識嘅係USDTUSDCDAI

USDT

USDT嘅發行公司Tether Limited同交易所Bitfinex係關聯公司,老細都係果班人。

由於佢較早進入巿場,所以好多交易所都有交易,巿值同交易量都係最高嘅穩定幣。

不過佢嘅價值、以及佢間公司嘅透明度成日都為人垢病,USDT聲稱佢地有等值嘅美元以及其他資產做儲備,但係就無一個透明嘅機制去證明,連審計師都請辭埋。

USDC

USDC由世界其中一間最大嘅加密貨幣交易所Coinbase發行。同USDT一樣,USDC稱佢地每1USDC都有1美元做儲備;唔同嘅係戶係真係可以去佢地交易所將1USDC1USD互換。

Dai

由團隊Maker開發,佢同巿面上其他穩定幣截然不同,因為Dai貨幣嘅穩定性及價值係靠一張智能合約以及Market Force維持(延伸閱讀: 一篇文章讀懂穩定貨幣 – Dai)。

換言之,我地無需要相信Maker呢間公司,佢執左都好,Dai仍然會運作;而且由於佢係喺以太坊呢條區塊鏈運作,上面嘅資訊就絕對透明公開,我地可以睇到有幾多資產抵押左去支持佢嘅幣值(defipulse.com)

亦都因為咁樣,雖然Dai暫時巿佔率唔高,但所有DeFi 應用都會接納Dai作為操作貨幣。

穩定幣回報

雖然只係當現金放喺銀行,穩定係最緊要,但有些少回報當然更好啦。

而家好幾個dapps已經提供存幣賺息,我地介紹過嘅compound就有為Dai及USDC存款提供實際年利率大概7%同5%嘅回報;相比港元同美金定期存款大概2.5%嘅利息絕對吸引好多!(資料來源:moneyhero)

弊處及風險

暫時唔多地方可以用穩定幣消費,最好當然係加密貨幣普及,我地換左嘅穩定幣可以直接喺錢包消費就無得頂!不過而家換左之後如果想用黎消費嘅話就唯有去交易所換返當地貨幣先喇。

穩定幣存款實際年利率係隨住巿場供求調節的,今日係7%可能下個月會調高或調低,唔似定存利率係固定的。

如果大家對穩定幣有咩疑問嘅話歡迎PM我地呀!

參考文章:

https://www.edigest.hk/article/116945/%E7%90%86%E8%B2%A1/%E9%9B%A2%E5%B2%B8%E6%88%B6%E5%8F%A3-%E9%96%8B%E6%88%B6%E6%95%99%E5%AD%B8-%E9%8A%80%E8%A1%8C-%E8%AD%89%E5%88%B8%E8%A1%8C/

https://cryptoslate.com/cryptos/stablecoin/

———————————

www.myethshop.com

港幣買賣加密貨幣平台

———————-

facebook: myethshop

instagram: myethshop

WeChat: myethshop

telegram: t.me/myethshop

(圖片:hk.on.cc)
———————-

免責聲明
本網頁內容並非投資意見,亦不構成任何投資產品之要約、要約招攬或建議。所載內容只作為一般用途,它並沒有考慮您的個人需要、投資目標及特定財政狀況。投資附帶風險,在作出任何投資決策前,您應考慮自己的財務狀況、投資目標及經驗、風險承受能力及理解相關產品的性質與風險的能力;如有需要,您亦可尋求獨立專業顧問意見,然而所有投資決定都取決於您個人的判斷。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s