甚麼是Defi – 去中心化金融

DeFi,或者Decentralized Finance (去中心化金融),相信大家對呢個名唔會陌生,今年一定都喺某啲地方聽過,但係你又知唔知到底佢係咩黎?希望呢篇文可以好快比你知道咩係DeFi,同埋去中心化金融有咩好處。

DeFi歷史

要知道咩嘢係DeFi,首先就要由區塊鏈開始,因為所有DeFi產品都係建立喺區塊鏈上面。

比特幣(Bitcoin)係區塊鏈嘅始祖,佢嘅出現令我地唔再需要相信任何一個人、一個機構,都可以做到一個P2P交易系統;比特幣嘅應用只係局限於簡單嘅付款交易,以太坊(Ethereum)就可以喺區塊鏈上面寫program完成一啲動作,而家稱之為「智能合約」。

以太坊出現之後,不同團隊喺以太坊呢條區塊鏈上面,利用區塊鏈去中心化嘅特性開發唔同嘅去中心化應用;當中包括一啲金融服務,比如去中心化的借貸服務、保險服務、加密貨幣交易服務等等(註1)。

而呢啲去中心化嘅金融應用,逐潮形成左一個生態社群 – DeFi。

DeFi應用的特性

即使DeFi入面提供嘅金融服務各有迴異,但係佢地有四大共通點:

1.無需「信任」

呢個係DeFi應用入面最重要嘅特性 – 無需信任任何一間企業。

喺傳統嘅金融系統入面,我地要相信唔同嘅機構;例如我地要相信銀行會好好保管我地嘅存款,要相信政府唔會亂咁印銀紙。我地好少會質疑呢啲所謂嘅大機構,但係世界上的確發生緊誠信破產嘅事,例如委內瑞拉嘅惡性通貨澎脹。

喺DeFi 應用入面,所有資產都存放喺區塊鏈上面,而應用永遠根據設計好嘅智能合約去運作;只要符合某個條件,智能合約就會跟住編寫好嘅程式完成應有嘅動作。而且,只有擁有Private Key嘅你,先可以動用存放喺呢張智能合約上嘅任何資產。

2.任何人都可以使用

只要有加密貨幣,你就可以用,無人可以拒絕你使用DeFi服務。

傳統嘅金融系統入面,銀行有權唔開戶口比你,甚至乎有戶口都可以凍結左你。但喺DeFi喺世界,無人可以審查你,無人可以阻止你用任何服務;只要你有一個錢包,入面有對應嘅加密貨幣,而你又有呢個錢包嘅private key,就可以用到DeFi嘅應用。

3.任何人都可以監察

DeFi應用嘅智能合約編碼必定係Open-source,所有交易資料係公開透明。

傳統嘅金融企業由內部系統處理,公眾一般睇唔到監察唔到,最多都係相信auditor做嘅內控審計(internal control audit)。相反,DeFi產品因為係建立喺區塊鏈上面,所有嘅交易資料都係公開嘅,而且DeFi嘅程式編碼都係開源(Open-source),所有人都可以做到監察者嘅角色,有更加多專家或者用家可以幫我地睇實呢啲應用。

4.「倒閉」機會極低

傳統嘅金融機構,雖然唔容易,但都有倒閉嘅危機(好似雷曼兄弟咁)。而喺DeFi嘅世界,因為係區塊鏈,要佢「倒閉」就要區塊鏈上面嘅節點都唔再運作,呢個可能性係極低的(尤其係建立喺一啲公鏈, e.g. 以太坊, 上面嘅應用);咁樣就消除左central point of failure嘅危機。

DeFi嘅發展

隨住DeFi個生態圈一路發展,我地期待會有更多去中心化嘅金融服務同產品,亦都會逐漸制定更好嘅開發標準,DeFi嘅應用都能夠輕易互相操作同溝通。

更期待有一日加密貨幣喺巿場流通,我地唔再需要使用傳統銀行同金融企業嘅服務,只需要一個更可靠嘅去中心化金融體系。

註1:
現在DeFi嘅社群包括:MakerDAO, Compound, dYdX, Coinbase Wallet, Cyber Network等等。

註2:
現在總共抵押了在DeFi應用上的資產總值為USD4.9億左右,當中超過一半鎖喺Maker (USD2.5億),其次係Compound (USD1.1億),見DefiPulse

參考文章:

https://medium.com/switcheo/switcheo-discovery-what-are-defi-applications-aa79e47ace98

https://medium.com/defi-network/opening-defi-42a5afdb71e0

———————————
www.myethshop.com
港幣買賣加密貨幣平台

———————-
facebook: myethshop
instagram: myethshop
WeChat: myethshop

(圖片:https://www.datadriveninvestor.com)

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s