放資金進 Compound 賺取利息安全嗎?MyEthShop 幫你五問五答

有好多客人係 MyEthShop 網頁見到存入穩定幣 DAI 到 Compound 平台可以收到高達 11% 年利率既利息,都會心郁郁想放啲錢入去賺利息。但係最尾都係無行動,因為心入面有好多問題想問,十五十六,唔知安唔安全咁。如果你都係屬於呢一類人,呢篇文就羅列出五個大家好想問但又唔敢問既問題,等我地一一幫你解答啦﹗

 

  1. Compound 入面存款有利息收,利息係點黎架?係咪龐氏騙局?
  2. 年利率去到雙位數咁高,點做得到?
  3. Compound 會唔會作為中間人,攞晒存戶啲錢,然後執笠走人架?
  4. 如果 Compound 入面既借款人唔還錢,會唔會搞到我作為存戶有損失?
  5. 其他需要留意風險?

 

Q1: Compound 入面存款有利息收,利息係點黎架?係咪龐氏騙局?

A: Compound 入面既利息並唔係空氣中變出黎,存戶所賺既利息其實係借貸者還既利息其中一部分俾返存戶。所以你會見到係 Compound 平台入面,借錢要還既利息永遠比存款所以賺既利息高。以今日 2019-08-19 為例,如果你係 Compound 借出 Dai 係還 16.66% 年利率既利息,而存戶就可以賺取當中既 11.68%。剩低大約 5% 就係 Compound 平台既利潤以及令平台變得更安全既撥備。

所以你可以睇成 Compound 其實係一個 P2P 借貸平台,存戶賺取既利息其實係借款人既還款。

 

Screenshot 2019-08-19 at 6.01.53 PM
借出 DAI 成本為 16.66%,而當中既 11.68% 就係分俾 DAI 存戶作利息

Q2. 年利率去到雙位數咁高,點做得到?

的確Compound存款實際年利率去到雙位數,係十分吸引,比香港銀行嘅定存利率(大概2.x%)高好多!點解可以做到咁高息?係咪Too good to be true?

Screen Shot 2019-08-20 at 6.42.09 PM.png
Source:moneyhero

筆者估計其中一個理由係同類型嘅加密貨幣貸款Protocol唔多,以MakerDAO 為例,現時抵押ETH借出Dai嘅年利率係20.5%;選擇不多資金不多嘅情況下借貸成本自然比較高,而亦因為貸款利率高,存款利率自然亦可以比較高。

而另一個原因,係因為而家大部份人借Dai係應付短期週轉需要;雖然實際年利率去到16%,但係因為隨時還款都可以,借兩三日就還錢的話其實實際衍生嘅利息都唔會好多,所以即使實際年利率係咁高都無阻貸款人借錢。

p.s. 呢度要留意返,個利率係實際年利率APR,利息係每一個ETH block (大概15秒左右)複式計算一次,放一年後就係你見到嘅果個實際年利率。

Q3. P2P 平台?大陸啱啱先有好多倒閉既新聞喎﹗ Compound 會唔會好似大陸個啲公司咁,作為中間人,攞晒存戶啲錢,然後執笠走人架?

A: Compound 背後係運行係以太坊上面既智能合約,所以係有區塊鏈既特性,只要以太坊一日仲係運作中,Compound 就會繼續運作落去。換句話講,就算有一日 Compound 背後團隊決定唔再營運,Compound 既智能合約仍然會 24小時 7 日全天候運作。

咁如果 Compound 個網頁 都停止運作呢?正正因為佢係運作係以太坊上面,Compound 入面既智能合約係可以係好多其他第三方網頁,好似 MyEthShop / Defi Saver/ InstaDapp ,一樣俾你用 Metamask 去操作。另外,借款既抵押品係存放係智能合約入面,連 Compound 營運團隊都無辨法攞走。所以唔存在 Compound 團隊執笠令存戶血本無歸既情況。

Screenshot 2019-08-20 at 5.58.58 PM
Compound 平台係以太坊上運行,不能被關閉,亦 24/7 受大眾監察

 

Q4. 就算中間人唔執笠,但係如果 Compound 入面既借款人唔還錢,會唔會搞到我作為存戶有損失?

A: 要暸解呢個風險,我地首先要明白 Compound  入面借錢既規則係點。

Compound 既借貸係過度抵押借貸 (Over Collateralized Loan),意思係借款人如果要借 $100 走,首先要放低 $200 既資產做抵押品,抵押品價值必須永遠維持高於債務去保障存戶。一旦因為市況波動令抵押品貶值,例如低押品價值跌至 $150 蚊而欠債維持 $100,咁智能合約就會斬倉,係公開市場賣出抵押品,然後將欠款歸還俾存戶後,仲有剩低既歸還俾欠債人。

類似既操作亦可見於日常接觸到既樓按,銀行係會攞左你層樓做抵押品,而佢只會借出樓價值既 70% 或者以下既錢俾你。而當樓價下跌到一定程度既時候,銀行就會 call loan,收返你層樓黎拍賣。Compound 既智能合約就係做緊銀行係樓按入面既角色,只係大家既抵押品唔同。

所以抵押品既質素就好重要了,如果你仔細檢查 Compound 背後既抵押品,有 95% 以上既價值係黎自 ETH, DAI 同 USDC,三種都係高流通性,價值相對穩定既極優質資產。而且利用區塊鏈技術,電腦程式可以係資不抵債既一瞬間就斬倉,以維持整個平台既健康。

另外一個問題就係Compound 係無固定還款期,借左錢走係可以無限期唔還錢。咁會唔會唔還錢架?答案係唔可以既。因為就算借款人唔還錢,佢借款既利息欠款會隨住時間一路滾大,當總欠額滾大至佔抵押品既價值既一定比例時,智能合約就會執行斬倉既動作,去保障存戶,情形就好似抵押品價值下跌一樣。

總結一句,所以無論抵押品價值下跌或者債務上升至危險水平, Compound 智能合約都會進行斬倉去保護存戶既錢。

Screenshot 2019-08-20 at 6.00.34 PM.png
可以到 https://compound.finance/markets 查看存借既況以及抵押品分佈

Q5. 咁聽落好安全,咁仲有咩風險我作為存戶係需要留意?

A: 無錯,Compound 對比傳統既 P2P 借貸平台係大大減低左營運者倒閉同資不抵債既風險,但係佢都有新既風險大家要留意。

  1. 智能合約有機會有缺陷,有 Bug – 由於 Compound 背後係由智能合約去驅動,如果智能合約程式入面有漏洞,俾黑客可以偷取到抵押品,或者利率計算,抵押品價值計算係出現問題,就會有機會危及大家既存款。Compound  團隊一直都有搵唔同既人去檢查佢地智能合約程式,而係運作一年多亦未有案例係智能合約出問題。
  2. 流動性不足,擠提 – 由於 Compound 係不設還款期限,亦無最低存款準備金,的確係會出現一個情況存入既錢,全部被借出,平台無餘款供存戶提現。暫時,Compound 會透過利率調節,去確保係流動性緊絀既時候,提高利率去吸引更多存戶放錢入去提供流動性。
  3. 利率浮動風險 – Compound 係每一個 block (~ 15 秒) 去根據存借狀況然後更新利率,所以你係 MyEthShop/ Compound 網頁上見到係實際年利率,並不能肯定地以此作為你一年後既預期收益啊﹗

如果大家仲想對 Compound 有進一步既暸解,我地會強烈建議你去睇佢地既 whitepaper 或者向我地暸解多啲。最後,提提大家,大家如果想將手上既港幣轉換成 DAI/ USDC 存入 Compound 的話, MyEthShop 都可以幫到你,快啲去我地網頁或者 Facebook 專頁暸解下﹗

廷伸閱讀:

Compound 存入操作教學

什麼是穩定幣 DAI (上)?

什麼是穩定幣 DAI (下)?

———————-
www.myethshop.com
港幣買賣加密貨幣平台

———————-
facebook: myethshop
instagram: myethshop
WeChat: myethshop
YouTube: https://www.youtube.com/channel/UCdsTB8ETYjwi2vq7PlVMUzg

廣告

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s