買賣加密貨幣應如何選擇錢包?

我地日常接解到 MyEthShop 客人,經常都會問我地 –

“我新手啱啱接觸,應該開一個咩錢包好?我聽講一定要俾錢買個硬件 USB 錢包,係咪真架?"

呢篇文就係比較各種錢包係價錢,安全性同方便使用等方面既優劣,去俾大家一個概念。

主流加密貨幣錢包大致上可以分為四類:  1. 手機錢包, 2. 紙錢包, 3. 瀏覽器插件錢包, 4. 硬件錢包。

i. 手機錢包 (例子有 MyEthShopBlockchain/ Metamask)

fbPost

價錢: 免費

安全: 中

方便使用: 容易

手機錢包一般泛指安裝係你手機入面既錢包,一般都係免費安裝。係簡單登記左你既電郵之後就可以直接操作使用。由於直接連接你手機,使用上係可以話非常方便,無論收錢或者傳錢俾別人,都係一兩下動作就完成。安全性方面,由於佢係長期連接網路,當然會有更多機會俾黑客入侵。所以一般我地都唔會建議存放太高價值既加密貨幣係手機軟件錢包入面。

最後,當使用手機錢包既時候,務必緊記要做好備份

ii. 紙錢包

價錢: 免費

安全: 高

方便使用: 十分麻煩

紙錢包係指將地址同私匙印係紙上面,一般你可以係網頁或者加密貨幣 atm 機度攞到。由於資訊係印左係紙上面,只要你小心安放呢張價值連城既紙,一般線上黑客係難以攻破你既錢包,所以係相當安全。但係當你想使用紙錢包入面既錢就比較麻煩,一般你要搵到適合既軟件去讀取紙上既資料,先至可以移動入面既錢。相比起其他錢包,紙錢包既使用係相當麻煩。

iii. 瀏覽器插件錢包 (例子: Metamask)

how-to-use-metamask

價錢: 免費

安全: 中

方便使用: 容易

隨著區塊鏈技術既發展,就出現左安裝係瀏覽器 (Chrome)既錢包插件,比較有名既就係小狐狸  Metamask,我地之前都有深入介紹過,大家有興趣可以睇下。由於呢類錢包都係長期上網,會有一定被黑客呃左你登入資料既風險。但係使用上就非常方便,基本上收取/傳出款項都係非常簡單易明,一安裝即可使用。另外值得一提既係,如果除左想持有加密貨幣之外,仲想使用以太坊上不同既 Dapp ,好似借貸平台 Compound 的話,咁 metamask 就係你不可或缺既好幫手啦﹗

iv. 硬件錢包 (例子: Trezor/ Ledger)

價錢: 數百港元

安全: 最高

方便使用: 少少麻煩

硬件錢包一般都係需要收費,價錢一般都係幾百港幣有交易。由於需要額外付費,而且安全性係最高,非常難去俾黑客攻破,一般我地都係建議客人如果持有多過兩個月人工或者多於港幣 100,000 元既時候,先考慮購買,好好保護自己既財產。硬件錢包安全性十分高,但係代價係使用上必須要將錢包同電腦/ 電話連接先可以使用,比較起簡單既手機錢包或者瀏覽器插件,係無咁方便。

結語:

唔同既錢包都有佢自己既優缺點,不外乎係安全性,價錢同使用方便程度作不同程度既取捨。一般新手接觸加密貨幣,我地會建議純粹一個手機錢包就足夠。到經驗較多,就可以開始學習使用 dapp ,咁就必須要學懂使用瀏覽器錢包。最後,到資產價值漸漸上升到一個可觀金額,花費幾百蚊買一個硬件錢包啦 🙂

MyEthShop 亦有 Trezor/ Ledger 錢包代賺服務,有興趣既朋友都可以去我地 FB Messenger 搵我地暸解下 🙂

———————-
www.myethshop.com
直接用港幣買賣ETH嘅平台

廣告

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s