Eth 2.0 簡介

全靠以太坊研發團隊不斷努力,以太坊2.0 既第一階段預計會係2019 年3 月進入測試階段,屆時編程人員將會可以撰寫程式同Eth 2.0 呢條新既區塊鏈互動。咁究竟咩係 eth 2.0呢?佢同而家既以太坊又有咩分別?我地就嘗試係呢度同大家做個粗略既介紹。

1. Eth 2.0 係以太坊團隊長年累月研發既成果,目標係令以太坊處理交易數量能夠由而家每秒15單大幅提升到每秒上千個交易。另外亦會推行proof of stake (PoS) ,解決現時礦機所帶來中心化同損害環境既問題。
2. 從一個遠距離黎睇,Eth 2.0 會以一個中心 – 子系統 (Hub and spoke) 既模式黎運作。所謂既中心就係 Eth 2.0 既重心 – 燈塔鏈(beacon chain)。燈塔鏈會負起整個Eth 2.0 既安全性,亦會為旗下子系統,即係分片鏈 (shard chains),提供隨機性(randomness),最終確定性(finality)以及協調分片鏈等等服務。可以想像,燈塔鏈就好似黑暗中既燈塔,為旗下既船舶(分片鏈)提供照明及指引。
3. Eth 2.0 既發展被切割成三個階段,第一階段就係建築燈塔鏈,預計2019年3月會推出成品供公眾測試。咁究竟整個Eth 2.0 會點運作呢?
4. 首先,係現有 Eth 1.0 上面會有一張參加成為燈塔鏈既智能合約,任何人有興趣成為燈塔鏈入面工作既一分子,亦叫作驗證者 (Validator),都可以通過傳送32 eth 去呢張智能合約然後等待確認。大家可以幻想係成個 32 eth 就係報名費。
5. 另一方面,Eth 2.0 入面燈塔鏈既軟件會留意住有幾多人俾左報名費,一旦有足夠既人參加成為驗證者, Eth 2.0 燈塔鏈就投入運作。係 Eth 2.0 入面,每 6 秒就會有一個驗證者被隨機選中作為區塊生成者,負責打包交易並生成區塊,情況就好似 Eth 1.0 既礦工咁。需要留意,同 Eth 1.0 唔同,係呢個時候既區塊雖然已經生成,但並没包括在區塊鏈之內。
6. 係區塊生成 3 秒後,燈塔鏈會再抽出一組驗證者。佢地會好似投票咁作出憑證 (Attestation),去投出佢地認為現時鏈既最前端係邊一個方塊。理論上,如果所有驗證者都係誠實的話,佢地全部既憑證就會指向剛生成既區塊,係呢個時候由於得到超過 2/3 既憑證,區塊就會正式被納入鏈內。同一時間,提出憑證既驗證者亦可以得到 eth 作為區塊獎賞,情形就同而家礦機挖礦得到獎賞一樣。而呢個利用投票去決定共識既機制,就係我地一路講緊既 Proof Of Stake (PoS)。
7. 我地剛才提到整個流程,由倡議區塊到投票決定共識,其實都係發生係分片鏈入面。而整個 Eth 2.0 係由上百條分片鏈組成,換句話講,亦即係將我地而家 Eth 1.0 既一條鏈,打散成上百條,再結合燈塔鏈作為中心協調者,從而達致每秒處理上千個交易既最終目標。
8. 咁分片鏈同分片鏈之間係點溝通呢?暫時,當區塊係分片鏈生成後,分片鏈會生成一個交叉連結 (crosslinks),分片之間就係靠讀取呢個交叉連結去得知處於該分片內戶口既狀況。
9. 另外由 Vitalik 及其他以太坊研究人員提出既 Casper FFG 亦會係燈塔鏈上運行,去為區塊提供最終確定性 (Finality)。除非有超過 1/3 系統內驗證者作弊,否則已被包括既區塊將不可被逆轉。而就算真係有超過 1/3 驗證者作弊,剩低既 2/3 人可以提出作弊證劇,令作弊者既報名費被充公並消毁。呢個亦係除左環保因素外,PoS 比 PoW 優勝既地方。因為係 PoW 入面作弊被掀發,係無後果的 (礦機亦會健康運作),而係PoS 入面係整個工作成本係會被摧毀。
10. 係 Eth 2.0 第一階段入面,只有燈塔鏈會投入運作,分片鏈與及智能合約都係欠奉。第二階段會加上分片鏈,而係最尾第三階段會加入 EWASM 作智能合約背後引擎,到時 Eth 2.0 先會擁有同現時 Eth 1.0 同樣運行智能合約既功能。時間表方面,我地已知第一階段會係 2019 開始進行測試,其中一位開發者表示佢預期第二階段係 2020 推出,第三階段係 2021 面世。

Q&A 時間

Q: 咁聽落咪會有兩條 ETH 鏈同時運作?

A:  無錯﹗ ETH 1.0 同 2.0 會同時運作,係第三階段完成並穩定之前,大家依然會係每秒 15 個交易既 ETH 1.0 鏈上進行交易。

Q: 咁係咪即係有兩款以太幣?可唔可以互換?

A:  呢位同學非常聰明,無錯,係會有兩款以太幣。一款就係我地而家熟知 ETH 1.0 既以太幣,而係另一款就係 ETH 2.0 上面記錄既新以太幣。暫時,當你提交左報名費,成為燈塔鏈既一分子之後,你個 32 個 eth 就會被轉換成  32 個新既 b-eth (Beacon ETH)。而呢個過程係無法逆轉,換句話講,你揸住 32 b-eth 係無法換返成舊既 eth 1.0 上面既 eth。同道理,你作為驗證者,係  PoS 入面所賺既 b-eth 亦暫時無辦法換成舊既 eth。

而由於第一階段係只有燈塔,没有分片,係第一階段 b-eth 既持有者係無法進行交易,只有待第二階段完成,先可以作出轉讓。

Q: 咁b-eth 好搵笨,都無得變返做舊 eth,再變做現錢?

A: 我地相信到時會有市場去供大家作兌換, MyEthShop 亦會緊貼市況,為大家提供服務。

廣告

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s