去中心化外包 IT 項目平台 – Gitcoin

以太坊/ 區塊鏈雖然係打住去中心化旗號,但係缺乏落地應用一直為人詬病既。除左我地一路好關注既去中心化金融 (#defi) 之外,今日我地就為大家介紹 Gitcoin ,一個俾大家外包 (Outsource) IT 功課既地方。

Gitcoin 係一個去中心化平台俾有需要 IT 服務既人/公司,搵到適合既 IT 服務供應商。大家可能會話車,一早有啦,好似 Fiverr/ Upwork 之類。但係對比起傳統既工作配對平台,Gitcoin 有好多去中心化既好處。

首先, Gitcoin 係利用以太坊區塊鏈去作支付渠道,途中唔需要經過 Paypal 或者銀行作中介,都可以直接支付全世界任何一個角落既工作者。因此, Gitcoin 所收取既中介費用可以遠交傳統平台 (20%) 低。

另一方面,Gitcoin 亦支援以不同代幣去作為報酬。因此,就算你係身處係銀行系統唔發達既地區/國家,你一樣可以收到以美元 (DAI/ USDC/ 其他 stablecoin) 作結既報酬。

區塊鏈仲有不可修改同不會被拒絕既特性,而 Gitcoin 亦都有用善用到。一般 IT 外包平台會出現有汗出無糧出既情況,就係當工人完成工作後,出資方向平台提出抗議,導致工人無糧出,而呢個問題就唔會係 Gitcoin 發生。一旦完成工作,區塊鏈作出支付後,係無法逆轉。同樣地,傳統平台可以用各種理由去拒絕任何一方參與,例如就有例子係有工人係 A/B 平台都有登記,後尾佢係 A 平台做到好出名,變左生招牌,結果就惹黎 B 平台不滿,將佢列入黑名單。但係 Gitcoin 係以太坊運行既關係,只有你有運行自己既以太坊節點,你永遠都可以參與係 Gitcoin 平台入面,而上述既黑名單事件亦都唔會發生。

gitcoin
Gitcoin 平台上項目總計金額

從上圖可以睇到,Gitcoin 平台推出之後,係出現幾何級既增長。各位 IT9 如果想搵下外快,不妨都去 Gitcoin 睇下有無啱你做既工作,賺返啲外快,仲唔洗俾中間平台剝削。你有 IT project 想搵人做?不妨去 Gitcoin 出個廣告,係個度你可以真正搵到全球既人才去幫你完成工作﹗

Gitcoin 網址 – https://gitcoin.co/

Gitcoin 上面既項目 – https://gitcoin.co/explorer

廣告

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s