去中心化借貸平台 – Compound

呢一排有留意我地介紹的話,相信都會聽過 #defi (去中心化金融)。係 #defi 入面已經有不同既隊伍加入,今日為大家介紹既就係其中一隊 – Compound。Compound 團隊背後有多家著名 VC 同交易所既投資,可以話係 #Defi 入面既亮麗新秀。

Compound 主要業務就係建立一個去中心化既 P2P 借貸平台,也可以說是一間去中心化的銀行,讓大家借款及存款。

借款

Compound一方面讓有需要借虛擬貨幣既人可以通過抵押自己手上既貨幣去借入心水既貨幣。可能你會問點解我地要借虛擬貨幣?通常借用虛擬貨幣有2個月途:

  1. 沽空 – 看淡一隻貨幣時沽空來賺錢
  2. 週轉 – 不想賣走手上的虛擬貨幣但又要資金應付日常開支

例如我手上有好多 ZRX (0x) 代幣,就咁放左係錢包,但係又睇淡 ETH 想沽空。呢個時候,我就可以通過 Compound 平台,存入我既 ZRX,然後借出 ETH,再做我想做既沽空活動。當我想還款既時候,我就存入返借出既 ETH 加上利息,就可以贖回我抵押左既 ZRX 代幣。

存款

另一方面,compound 亦都係一個存款平台,你可以將手頭上閒置既虛擬代幣放係 compound 上面,然後賺取利息。之所以有利息,正正係因為 compound 將你既錢借左出去賺取利息,然後將收益一部分撥歸存戶。係執筆既時候,最高收益貨幣係穩定幣 DAI,可以獲得約4% 年利率存款利息。另外 Compound 係利用智能合約去建立借貸,所以每一筆借出既款項都確保有足夠既抵押品去支撐住。

聽落好吸引,但係各位需要留意至少以下兩個風險:

1. 流動性。由於 compound 係無規定借/存期限,所以存戶係可以隨時提出存款,但係咁就會做成 – 當所有存款均被借出,就會無剩餘資金供提出既情況。換句話講,係流動性緊絀既情況下,存戶係有機會不能提款。
2. 違約風險。同一般借貸一樣,係 Compound 上面存款本金係有機會被削減。當市況急速向下調,造成資不抵債,抵押既資產就會被智能合約攞出黎拍賣。但係有機會由於市況向下調既速度太快,令變賣後既資產不足以償還俾存戶。而係呢一方面, Compound 無做得如 MakerDAO 般透明,存戶係難以輕易知道每一件貸款背後抵押品既狀況。舉個例子,如果有人抵押左大量 REP 去借出 DAI,而 REP 價值大幅下跌,咁就算智能合約將 REP 變賣換成 DAI 還俾存戶,仍有機會變賣後獲得既 DAI 係少於存戶既存款。

大家如果有興趣想借出虛擬貨幣 / 存入去賺取利息,都可以去 Compound 網頁睇下。暫時 Compound 支援既都係 ERC 20 代幣,有 ZRX, BAT, ETH, DAI, REP 等等。

最後 MyEthShop 亦即將推出虛擬貨幣借用服務,如果你想沽空或者想借出穩定幣週轉,不妨搵我地傾傾,暸解一下 !

(網絡圖片)

———————-
www.myethshop.com
直接用港幣買賣ETH嘅平台

———————-
facebook: myethshop
instagram: myethshop
WeChat: myethshop

廣告

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s